ഇന്ഡോര് (മധ്യപ്രദേശ്): ഇന്ത്യന് ഓപ്പണര് വീരേന്ദര് സെവാഗിന് ഏകദിന ക്രിക്കറ്റില് ലോകറെക്കോഡ്. വെസ്റ്റിന്ഡീസിനെതിരായ പരമ്പരയിലെ മൂന്നാംമത്സരത്തില് 219 റണ്സ് അടിച്ചുകൂട്ടിയാണ് ഏകദിന ക്രിക്കറ്റില് ഏറ്റവും വലിയ വ്യക്തിഗത സ്കോര്, ബാറ്റിങ്ങിലെ മിന്നല്പ്പിണറായ സെവാഗ് സ്വന്തമാക്കിയത്. മുന്ഗാമിയായ ഇന്ത്യയുടെതന്നെ സച്ചിന് തെണ്ടുല്ക്കറിന്റെ റെക്കോഡ് ഡല്ഹി ബാറ്റ്സ്മാന്റെ മുന്നില് വഴിമാറുകയായിരുന്നു. കഴിഞ്ഞ ഫിബ്രവരിയില് ദക്ഷിണാഫ്രിക്കയ്ക്കെതിരെ ഗ്വാളിയോറില് സച്ചിന് പുറത്താവാതെ 200 റണ്സ് നേടി റെക്കോഡിട്ടിരുന്നു. ഏകദിന ക്രിക്കറ്റ് കണ്ട ആദ്യത്തെ ഇരട്ടസെഞ്ച്വറിയായിരുന്നു സച്ചിന്റേത്. ടെസ്റ്റില് ഇന്ത്യക്കാരന്റെ മികച്ച സ്കോറും (319) സെവാഗിന്റെ പേരിലാണ്.
സെവാഗ് 149 പന്തിലാണ് 219 റണ്സ് നേടിയത്. ഏഴ് സിക്സും 25 ഫോറും ഉള്പ്പെട്ടതാണ് നായകന്റെ ഇന്നിങ്സ്. 41 പന്തില് അര്ധസെഞ്ച്വറി കണ്ടെത്തിയ സെവാഗ് 69 പന്തില് സെഞ്ച്വറി പൂര്ത്തിയാക്കി. 140 പന്തിലായിരുന്നു ഇരുന്നൂറ് മറികടന്നത്. സെവാഗിന്റെ ഉജ്ജ്വലബാറ്റിങ്ങിന്റെ മികവില് ഇന്ത്യ 50 ഓവറില് അഞ്ചുവിക്കറ്റ് നഷ്ടത്തില് 418 റണ്സ് അടിച്ചുകൂട്ടി. ഏകദിനത്തില് ഇന്ത്യയുടെ ഏറ്റവും മികച്ച സ്കോറാണ് ഇന്ഡോറില്
9:33 PM
Nidhin.O.v
Posted in: Sports
0 comments:
Post a Comment