നമ്മള്‍ സത്യത്തില്‍ സ്വതന്ത്രരാണോ ........?

പണപെരുപ്പം കൂടുന്നു , ഡോളറുമായുള്ള ഗുസ്തിയില്‍ രൂപയുടെ മൂല്യം ഇടിയുന്നു , ആഗോള വല്‍ക്കരണതിന്ടെ ഭാഗമായി ഇന്ത്യന്‍ വിപണിയില്‍  വിദേശ നിക്ഷേപം, ആണവ കരാര്‍ , വാണിജ്യ കരാറുകള്‍ , ചെറുകിട വിപണിയില്‍ വന്‍ വിദേശ നിക്ഷേപം,  തുടങ്ങിയവ കുറച്ചു നാളുകളായി നാം സ്ഥിരം  ടി വി  യിലുടെയും പത്രങ്ങളിലൂടെയും കേട്ടുകൊണ്ടിരിക്കുന്ന വാര്‍ത്തകളാണ് . ഇതെല്ലാം കേള്‍ക്കുമ്പോള്‍ എന്റെ മനസ്സില്‍ ചെറിയൊരു സംശയം .............!!! പണ്ട് വാണിജ്യ ആവശ്യങ്ങള്‍ എന്ന് പറഞ്ഞുകൊണ്ടാണ് ബ്രിട്ടീഷ്‌ ഈസ്റ്റ്‌ ഇന്ത്യ കമ്പനി ഇന്ത്യയില്‍ വന്നത് . അന്ന് അവരെ രണ്ടുകയ്യും നീട്ടി സ്വീകരിച്ച ഇവിടുത്തെ രാജാക്കന്മാര്‍ സ്വപ്നത്തില്‍ പോലും വിചാരിച്ചിട്ടുണ്ടാകില്ല ഈവരുന്നവന്മാര്‍ ഇന്ത്യകാരുടെ കാലന്മാര്‍ ആണ് എന്ന് ..............!!! അവിടുന്ന്  ഇങ്ങോട്ട് 1947 വരെ അവര്‍ ഇന്ത്യയിലെ ജനങ്ങളെ  കൊള്ളയടിച്ചും പീഡിപ്പിച്ചും രസിച്ചു (എന്നാലും ഒരുകാര്യം സമ്മതിക്കാതെ വയ്യ, അവരുടെ കണ്‍സ്ട്രക്ഷന്‍ മേഗലയിലുള്ള പ്രാവീണ്യം അപാരം തന്നെയാണ് . 100% extreme engineering. ചെയുന്ന കാര്യം നീചമാനെങ്ങിലും 100 % ആത്മാര്‍ഥത അതാണ്‌ പ്രാധാനം. മുല്ലപെരിയാര്‍ തന്നെ വലിയ ഒരു ഉദാഹരണം ).  ഇതു പഴയ കഥ . സത്യത്തില്‍ ഇതിന്ടെ ഒരു പുതിയ പതിപ്പല്ലേ ഇന്ന് ഇവിടെ  നടക്കുന്നത് .......? ആഗോള വല്‍ക്കരണതിന്ടെയും, വാണിജ്യ കാരാരുകളുടെയും , ചെറുകിട വ്യവസായ നിക്ഷേപതിന്ടെയും പേരില്‍ നമ്മുടെ  മേല്‍  ഒരു അതിര്‍ശ്യമായ നിയന്ത്രണം ഉണ്ടാക്കുകയല്ലേ ഇത്തരം ശക്തികള്‍ ചെയ്യുന്നത്. നേരിട്ടല്ലെങ്ങിലും അതിര്‍ശ്യമായ ഒരു അതികാരം....? പണ്ട് കാശുമേടിച്ച്‌ ബ്രിടിഷ്കാര്‍ക്ക്  ഓശാന പാടിയ ജന്മികളെ പോലെ ഇന്നത്തെ രാഷ്ട്രീയത്തിലും കാണും ചില M .P  മാരും M.L.A  മാരും പാര്‍ടി സെക്രട്ടറി മാരും . ഒടുക്കം അധികാരം കയ്യില്‍ ഉണ്ടായിട്ടും സര്‍കാരിന്  സ്വന്തമായി ഒന്നും ചെയ്യാന്‍ കഴിയാതെ അവരുടെ മുന്പില്‍ ഓച്ചാനിച്ചു നില്‍ക്കേണ്ട അവസ്ഥയായി തീരും. ഒരു ജാനാതിപത്യ രാഷ്ട്രത്തില്‍ ഇങ്ങനെ ഒരു അവസ്ഥയുണ്ടായാല്‍ അത് തികച്ചും വേദനാജനകമാണ് . ജനങളുടെ പ്രതികരണ ശേഷിയില്ലായ്മയാകും ഇതിന്ടെ മുഖ്യ ഘടകം. ഇന്ത്യ ഇന്ന് ജനാതിപത്യ രാഷ്ട്രമാണ് അതുകൊണ്ട് ഇവിടെ ഇതൊന്നും നടക്കില്ല എന്ന് വിചാരിക്കരുത് കാരണം ചരിത്രം പലപ്പോഴും ആവര്‍ത്തന സ്വഭാവം കാണിക്കാറുണ്ട് . പണ്ട് ഇത്തരം ശക്തികള്‍ നമ്മളെ നേരിട്ട് ചൂഷണം ചെയ്തു നാളെ അതുപക്ഷേ അതിര്‍ശ്യമായ ഒരു ചൂഷണം ആകാം ....!!  സ്വാതന്ത്ര്യം കിട്ടിയിട്ടും സ്വാതന്ത്ര്യമില്ലാത്ത ഒരുഅവസ്ഥ .....!!! ഇങ്ങനെ ഒരു അവസ്തയുണ്ടാകതിരിക്കാന്‍ നമുക്ക് പ്രാര്‍ഥിക്കാം പ്രതികരിക്കാം  ശക്തമായിത്തന്നെ ........!!!

Read more »